Neauvia Organic – Húðvörur

Húðvörur Neauvia Organic eru þróaðar undir faglegum formerkjum af teymi lækna og lyfjafræðinga og byggja á ítarlegum prófunum og klínískum rannsóknum. Húðvörurnar eru sérstaklega hannaðar til notkunar samhliða fylliefnum og húðmeðferðum til að hámarka samverkandi áhrif og hjálpa húð að jafna sig. Hvert innihaldsefni húðvörulínunnar er valið með það að leiðarljósi að bæta ástand húðar, örva endurnýjunarferli hennar, vernda hana, viðhalda góðu jafnvægi og hafa róandi og græðandi áhrif.

Húðvörulína Neauvia Organic inniheldur breitt vöruúrval húðvara, þ.á.m. hreinsivörur, serum, krem, sólarvörn, maska og farða, sem nota má á mismunandi húðgerðir og húðvandamál. Húðvörurnar eiga það allar sameiginlegt að innihalda þrjár gerðir náttúrulegra fjölsykra sem gera þeim kleift að næra mismunandi lög húðarinnar. Stærstu sameindirnar mynda filmu á yfirborði húðarinnar og gefa því raka, minni sameindir smjúga niður í ystu lög húðarinnar og minnstu sameindirnar smjúga alla leið niður í undirlag húðarinnar þar sem þær binda raka.

Önnur lykilinnihaldsefni sem finna má í húðvörulínunni eru eftirfarandi:

Vaxtarþættir – Styðja við viðgerðarferli húðar, örva framleiðslu kollagens og elastíns og fyrirbyggja öldrun húðar.

C-vítamín – Gerir húðina bjartari og gefur henni frísklegt og heilbrigt yfirbragð.

Retinaldehyde – Hraðar endurnýjunarferli húðar, örvar framleiðslu kollagens og elastíns, hreinsar dauðar húðfrumur af yfirborði húðar og kemur jafnvægi á olíuframleiðslu.

Glutathione – Öflugt andoxunarefni sem finna má í frumum líkamans og brýtur m.a. niður sindurefni.

Koparpeptíð – Hafa græðandi áhrif og draga úr roða og bólgu.

10-Hydroxydecanoic sýra – Framleidd af býflugum og hefur græðandi og rakagefandi áhrif.