FemiLift

• Nýjasta kynslóð tækja á sviði kvensjúkdómalækninga
• Vinnur á fjölda mismunandi vandamála
• Fljótlegar, sársaukalausar og öruggar meðferðir
• Árangur næst strax eftir meðferð

Um FemiLift
FemiLift býður upp á heildrænar meðferðir á sviði kvensjúkdómalækninga. Um lágmarks inngrip er að ræða og eru meðferðir fljótlegar, sársaukalausar og öruggar og krefjast hvorki svæfingar, innlagnar né hvíldartíma. FemiLift byggir á CO2 lasertækni sem er afar öflug og skilar frábærum árangri. Tæknin gerir það að verkum að trefjar draga sig saman og kollagenmyndun örvast, sem leiðir til þess að leggangaveggir endurnýja sig og öðlast á ný þéttleika og teygjanleika.

BeautiFill frá LipoLife

• Nýjasta kynslóð tækja á sviði fituflutnings (e. Fat Grafting)
• Sameinar kosti lasermeðferða og sogmeðferða
• Styttri meðferðartími og betri árangur
• Öruggari meðferðir og minni hætta á aukaverkunum

Um BeautiFill frá LipoLife
Fyrsta lasertæki sinnar tegundar. Sameinar kosti lasermeðferða og sogmeðferða, sem skilar sér í styttri meðferðartíma, meira öryggi og minni líkum á aukaverkunum eins og blæðingu, bólgum, bjúg og mari. Lífslíkur fitufrumnanna (e. fat vitality rate) eftir flutning á milli líkamshluta eru 95% og er meðferðin kjörin fyrir þá sem vilja móta andlit og/eða líkama án þess að gangast undir skurðaðgerð. Meðhöndla má alla líkamshluta með tækinu, einnig þau svæði sem erfitt er að meðhöndla með hefðbundnu fitusogi, eins og höku, andlit og háls.

VascuLife

• Öruggasta og skilvirkasta lausnin við æðahnútum 
• Húðin er fljótari að jafna sig  
• Minni líkur á sársauka og mari 
• Meðferð er fljótlegri og krefst minna líkamlegs álags af lækni 

Um VascuLife
Lasertæki sem skilar einstaklega árangursríkum og öruggum niðurstöðum. Bylgjulengd lasersins (1.470 nm) er sérlega ákjósanleg fyrir brottnám æðaveggja þar sem minni hætta er á mari. Lasergeislinn fer inn í bláæðina og lokar henni samstundis, sem gerir það að verkum að minni líkur eru á blæðingu og sársauka. Þegar æðinni hefur verið lokað flyst blóðið til annarra heilbrigðra æða. Hugbúnaður tækisins gerir það að verkum að stöðug endurgjöf á sér stað á meðan á meðferð stendur sem gefur lækni betri yfirsýn og gerir það að verkum að hægt er að framkvæma meðferðina með nákvæmari hætti en ella.

ENTelligence

• Styttri meðferðartími, minni sársauki og skjótari bati 
• Öruggar og árangursríkar aðgerðir 
• Hámarks nákvæmni og lágmarks inngrip 
• Lágmarkar skemmdir á vefjum í kringum meðferðarsvæði 

Um ENTelligence
CO2 lasertæki sem býr yfir áður óþekktri nákvæmni á sviði háls,- nef,- eyrna- og munnholsskurðlækninga. Þökk sé ENTelligence er nú hægt að framkvæma mikinn fjölda aðgerða með hámarks árangri, lágmarks inngripi og lágmarks skemmdum á vefjum í kringum meðferðarsvæði. Hugbúnaður tækisins er háþróaður en þó afar notendavænn og gefur upp nákvæmar leiðbeiningar fyrir hvert skref viðkomandi aðgerðar á snertiskjá.